تخنیکی او مسلکی ریاست

تخنیکي او مسلکي ریاست د رییس لنډ ژوند لیک:

سید محرم سادات په ۱۳۵۹ لمریز کال کې د ننګرهار ولایت، سرخرود ولسوالۍ په شمسیدر سیمه کې دې نړۍ ته سترګې پرانیستې دي، نوموړي خپلي لومړنۍ زده کړې د عزیز افغان په ابتدایه ښوونځي کې؛ متوسطه او لیسه یې د ننګرهار ولایت او د عبدالهادي داوي په لیسو کې پای ته رسولي دي او د لیسانس سند یې د سیول انجنیرۍ په برخه کې د ننګرهار له پوهنتون څخه ترلاسه کړی دئ.
ښاغلي سادات مخکې له دې د ښاروالیو چارو عمومي ریاست کې د تخنیکي سلاکار په توګه او همداراز د سیول تخنیکي سلاکار او انجنیر په توګه یې USADI –IRD, EU-WSP INT.,UNFAO په ادارو کې کار کړی دی. نوموړي د یو تخنیکي کدر په توګه په اړینو غونډو او جلسو کې چې د ښاري سکتور، پالیسانو او قوانینو د بیا کتنې او جوړولو لپاره به نیول کیدې ګډون کړی دی. ښاغلي سادات، دښاروالیو د نوي قانون د طرحې، د استملاک د نوي قانون د طرحې، د ځمکې د چارو د نوي قانون د طرحې، د ښار او کور جوړولو د قانون او همداراز د اوبو او د غیر پلاني سیمو د رغولو د پالیسۍ په غونډو کې رغنده رول لوبولی دئ.
سید محرم سادات، په ۱۳۹۵ کال کې د سي، بي، آر له ازموینې ورسته، د ۲۰/۱۱/۱۳۹۵ نیټې د ۳۹۲۱ ګڼې حکم په اساس د سیمه ییزو ارګانونو ادارې، د ښاروالیو معینیت د تخنیکي او مسلکي ریاست د رییس په توګه وګمارل شو او تر اوسمهاله په یاد بست کې د رییس په توګه په دنده بوخت دی.

 

د تخنیکي او مسلکي ریاست دندې:

د دندې سرلیک: د سکتوري او تخنیکي خدماتو رییس.
وزارت/ اداره: د سیمه ییزو ارګانونو خپلواکه اداره.
ځای: کابل
برخه: د ښاروالیو معینیت.
بست: ۲
راپور ورکوونکی: د ښاروالیو معین ته.
راپور اخیستونکی: د اقتصادي پراختیا له آمر ، د ښاري پراختیا او ستراتیژیک پلانونو له آمر او د ښاري خدماتو د وړاندي کوونکي امر څخه.
د دندې موخه: د ښاروالیو د سکتوري او تخنیکي چارو ترتیبول او رهبري کول، د خصوصي سکتور همغږي، د ښاري پراختیا برنامې او ښار یانو ته په غوره توګه د ښاروالیو د خدماتو وړاندې کول.

 

د دندې مسوولیتونه:

۱: د ټاکل شوو موخو ترلاسه کولو لپاره، د څانکې له عمومي پلان سره سم د اړوندې برخې کاري پلان جوړول او ترتیبول.
۲: د ټولو چارو برابرولو او ښاریانو ته د موثرو خدماتو وړاندې کولو لپاره، د ښاروالیو پالیسیو، طرزالعملونو او ستراتیژیک پلانونو ډيزاین او پلي کول.
۳: د ادارې د عمومي موخو د ترلاسه کولو لپاره، د اړوندو څانګو له لوري د پلي شویو موخو، برنامو او کاري اجرااتو له څرنګوالي څخه نظارت او ساتنه.
۴: د ښاري خدمتونو، ښاري او اقتصادي پراختیا د ودې لپاره، کیفیت لرونکو پالیسیو، مقراراتو او معیارونو ته پراختیا وروکول.
۵: ښاروالیو له لوري ښاریانو ته د غوره خدمتونو د وړاندې کولو او ښاري پلانونو له پلي کولو څخه ډاډ ترلاسه کول.
۶: د ولایتي ښاروالیو له لوري د استوګنیځو سیمو د پراختیا لپاره د مشخصو پلانونو او پالیسیو ترتیب او جوړول.
۷: د ښارونو د اقتصادي پراختیا په پار، د عاید لرونکو پروژو د پلي کولو او ترتیبولو لپاره، د مشخصو طرزالعملونو او پالیسیو جوړول.
۸: ښاري پلانونو په پلي کولو کې، د ښارولیو د ادارو تر منځ د همغږي په موخه د طرزالعملونو، پالیسیو جوړول او پلي کول.
۹: د اړتیا سره سم په مشخص وختونو کې د ښارولیو د تقنیني اسنادو د تعدیل او پراختیا د بډاینې په موخه، د وړاندیزونو ترتیب او جوړول.
۱۰: په ولایت او ولسوالیو کې د اوسېدونکو تر منځ د ګډون او ښاري کیدو کلتور ته وده ورکول.
۱۱: د ښاروالیو د کار کوونکو د وړتیا لوړونې لپاره، د دولتي او غیر دولتي موسسو د مرستو را جلبول.
۱۲: د سکتوري چارو د ښه تنظیم او پراختیا لپاره، د دولتي څانګو او وزارتونو سره د غوره اړیکو ټینګول.
۱۳: په ښارونو کې د تاسیساتو د جوړولو په پار، ښاروالیو ته د خصوصي سکتور د ملاتړ جلبول.
۱۴: ښاروالیو د سکتوري او تخنیکي چارو د ښه والي په موخه، د ښاروالیو له ګړنو څخه څارنه، ارزونه، رهبري او هغوی ته لارښوونه.
۱۵: د پروژو په پلي کولو کې د رونتیا رامنځته کولو په موخه په ښارولیو کې د میکانیزمونو او موکو برابرول.
۱۶: د قانون په رڼا کې، د مقاماتو له خوا د ورسپارل شویو دندو ترسره کول.

 

 

لاسته راوړنې:

 

په ۱۳۹۶ مالي کال کې ترسره شوې کړنې:

۱: د ښارولیو پروژو د چارو تعقیب او ګړندي کولو په پار هرات، کونړ، پروان، کاپیسا او پنجشیر ولایتونو ته سفر.
۲: د ولسي تړون ملي پروګرام د تخنیکي پروپوزلونو د ارزونې په پروسه کې مرسته او ګډون.
۳: د ښاري سکتور د قوانینو د نهایي کیدو په غونډو کې ګډون. ( ښاروالیو قانون، د کور او ښار جوړولو قانو، د استملاک او د ځمکو د چارو په د تنظیم په قانون کې ګډون کول)
۴: په ښارونو کې، پېرېدونکو د خدمتونو د مرکز د جوړولو په برخه کې تخنیکي لارښوونه.
۵: د ښاروالیو کار موندنې او چوپړیزو پروژو د پلي کولو په برخه کې د ملاتړو ادارو سره مرسته.
۶: د ښاري سکتور او نړیوالو مرسته کوونکو ادارو، په همغږي کونکو غونډو کې ګډون.
۷: د ښاروالیو پروژو د چارو تعقیب او کړندي کولو په موخه لوګر، جلال آباد، پغلان، بامیان، بادغیس او هرات ولایتونو ته سفر.
۸: د ولایتو ښاروالیو د ځمکې استملاک او ودانیزو تړونونو تخنیکي ارزونه.
۹: د هندوستان هېواد له لوري، د جوړېدونکو پروژو پلي کولو په برخه کې د اقتصاد او مالي وزارتونو سره همغږي.
۱۰: د هرات، جلال آباد، چاریکار، پلخمري، ایبک، مزار شریف شبرغان ښاروالیو ترڅنګ د خلم، سروبي، آقچه، میربچه کوټ ولسوالیو ښاروالیو ته سفر.
۱۱: د سکتوري استازو په شتونن کې د ملي امنیت او دفاع وزارت په غونډو کې د شهیدانو او معلولینو ورثوو ته د ځمکې پر ځای د کور ورکولو طرحې وړاندې کول چې دغه طرحه سل په سلو کې و منل شوه او همداراز یې د ولسمشرۍ ماڼۍ شفاهی تاییدي هم ترلاسه کړې ده.
۱۲: د بېلا بېلو ښاروالیو د ځمکو استملاک او ودانیزو تړونونو تخنیکي ارزونه.
۱۳: د ښاري پراختیا عالي کمیسون ته چې په هرو دوو اوونیو کې د ولسمشر په مشرۍ ترسره کیږي، د ۱۷ ښاروالیو د پرزنتیشن برابرول.
۱۴: په ښاري پراختیايي عالي کمیسون کې د جمهوري ریاست د احکام او لارښوونو تعقیب او د میکانیزم رامنځته کول.
۱۵: جنوبي کوریاته د سفر لپاره، د سیمه ییزو ارګانونو د ښاروالیو معینیت د کنترول لاندې سیمو د فعالیتونو د پرزنتیشن برابرول.
۱۶: جنوبي کوریا ته د ښاري پراختیا د مودلونو د اصلاح او مطالعې لپاره ۴ ورځينی سفر.
۱۷: د بیلابیلو ښاروالیو څخه د راغلو ۵۵ تړونونو د بشپړولو تخنیکي ارزونه.
۱۸: د مرستندویه پروژو د استملاک مقررې د بیاکتنې په موخه په تخنیکي کمیټو کې ګډون.
۱۹: کندهار ولایت ته سفر او د یاد ولایت انکشافي پروژو څيړل، د ښاروالۍ مشورتي شورا او ښاروالۍ ټیم سره تخنیکي غونډه نیول.
۲۰: د ولسمشر د عالي مقام په لارښوونه، ولسوالیو کې د سپورتي او اداري کمپلکس د جوړولو په برخه کې د کور او ښار جوړولو وزارت په تخنیکي غونډه کې ګډون.

۲۱: د تشویقي، مرستندویه او پراختیايي بودیجو څخه د ښاروالیو پروژو د چارو تعقیب.

۲۲: د کور او ښار جوړولو وزارت سره به همغږي، د ولایاتو په مرکز او ولسوالیو کې د جوماتونو جوړولو په پار د اسنادو او تخنیکي سروې ګانو په لاره اچول.
۲۳: د ولایتي ښاروالیو ودانیځو پروژو د پرمختګ په اړه د راپور ټولول او په دې برخه کې د غوښتل شوې بودجې سره په پرتله د فریکي پروژو د لګښتونو تحلیل.
۲۴: په ښارونو کې د استوګنې او سوداګریزو ودانیو جواز لپاره د لارښوودونو بشپړول.
۲۵: د شبراغان ښار د شاه مشرب ښارګوټي د ځمکې د ویش طرحې بشپړول.
۲۶: د ښاروالیو معینیت د پیرېدونکو خدماتو مرکز د تخنیکي براورد او دیزان بشپړول.
۲۷: د افغانستان په ښارونو کې د دندې رامنځته کولو پلان بشپړول.
۲۸: د افغانستان د ښارونو پراختیایي طرحې بشپړول.
۲۹: د اړوندو ادارو سره په همغږي، د شهیدانو او معلولیونو ورثوو ته د استوکنځای طرحې بشپړول.
۳۰: د آقچې ښاروالۍ تجارتي مارکیت دیزان بشپړول.
۳۱: پارون ښار د تفریحي پارک دیزان بشپړول.
۳۲: د سیمه ییزو ارګانونو خپلواکې ادارې او پایتخت زون ترمنځ په هوکړه لیک کار.
۳۳: د ښاروالۍ فزیکي پروژو چاپیریالي اغیزو باندې کار.
۳۴: د فزیکي پروژو د ډيزان او اتکل په برخه کې د ولایتي ښاروالیو د انجنیرانو د وړتیالوړونې ۳ ورځيني بروګرام په لاره اچول.
۳۵: د افغانستان ښارونو پانګې اچونې برنامې لپاره، د ۵ لویو ښارونو د پروژو پریزنتیشن چمتوکول چې د نړیوال بانک لخوا تمویلږي.