د ښاري حکومتولۍ د عمومي ریاست

د ښاري حکومتولۍ د عمومي ریاست د رییس لنډ ژوند لیک:

محمد نصیر حمیدي د حاجی عبدالبصیر زوی دی چې په ۱۳۶۰ لمریز کال کې د بلخ ولایت په مزارشریف ښار کې دې نړۍ ته سترګې رڼې کړي ډي، نوموړي د لیسانس سند د ادارې او دیپلوماسۍ په برخه کې د بلخ ولایت له پوهنتون او همداراز د ماسترۍ سند یې د عامه ادارې په برخه کې د هندوستان هېواد، د نوي دهلي له اندرا ګاندي پوهنتون څخه ترلاسه کړی دی.
ښاغلی حمیدي مخکې تردې، د ښاروالیو معینیت د ښاري حکومتولۍ عمومي ریاست سرپرست، د سیمه ییزې حکومتولۍ په پروژه کې د ښاروالیو څخه د ملاتړ برخې مسوول، د سیمه ییزې حکومتولۍ کارپوه په توګه د دندو ترڅنګ په بېلابېلو نورو برخو کې دې خاورې او خلګو ته خدمت کړی.

د ښاري حکومتولۍ عمومي ریاست دندې:
د ښاروالیو په چارو کې د رونتیا د رامنځته کولو په موخه، د خلګو د ګدون زمینې برابرولو په برخه کې د ښاري حکومتولۍ چارو رهبري، ترتیبت او جوړول.

د دندې مسوولیتونه:

۱: ټاکل شوو موخو ترلاسه کولو لپاره، د ادارې له عمومي پلان سره سم د اړوندې برخې، میاشتنی، درې میاشتنی او کلني کاري پلان جوړول.
۲: ښاروالیو چارو د غوره مدیریت په پار، ښاروالیو د ستراتیژیک، تفصیلي پلانونو ترڅنګ د پرسیحرونو، لایحو، مقررو او پالیسۍ طرحې مدیریت.
۳: ښاروالۍ اړوند ادارو تر منځ د همغږي رامنځته کولو په موخه د طرزالعملونو، پالیسیو پراختیا او طرحه.
۴: اړتیا ته په کتو د ښاروالیو د تقنیني اسنادو تعدیل او پراختیا او بډیاینې په موخه له جوړو شویو طرحو او وړاندیزونو له جوړولو څخه ډاډ ترلاسه کول.
۵: ښاري وضعیت د ښه والي لپاره په ولسوالیو او ولایاتو کې د ښاریانو ترمنځ د ښاري ژوندوکولو د کلتور له دودولو څخه ډاډ ترلاسه کول.
۶:د ښاروالیو کارکوونکو ته د وړتیا لوړولو په موخه د دولتي او غیر دولتي موسسو د مرستو جلبول.
۷: په ښاري مدیریت او حکومتولۍ پورې اړوندو چارو د ښه والي په موخه، د اړوندو ادارو سره همغږي او اړیکې نیول.
۸: د ښاري مسایلو د غوره مدیریت په موخه د ښاروالیو د احصایي ارقامو د تحلیل، ساتنې او دقیقو شمیرو په اړه د معلوماتو له راټولو څخه ډاډ ترلاسه کول.
۹: ښاروالیو ترمنځ د حسنه اړیکو ټینګولو لپاره، د ولسوالیو او ولایاتو د ښاروالیو ټولنو، انجمنونو، شبکو رامنځته کولو، کاري طرزالعملونو او لایحو له جوړولو څخه ډاډ ترلاسه کول.
۱۰: د ښار په بېلابیلو برخو کې د ښاروالۍ مشورتی بورد رامنځته کولو څخه ډاډ ترلاسه کول. ( ګذر، ناحیه، ښار او سیمې)
۱۱: خلګو ته د ښاروالیو له لوري د مالي حساب ورکولو په برخه کې، د رونتیا رامنځته کولو په موخه، د میکانیزمونو جوړول.
۱۲: لوړو مقاماتو ته د اړتیا په وخت کې، د اړوندو فعالیتونو او کړنو څخه د میاشتنی، درې میاشتنی او کلنی راپور ورکول.
۱۳: د کاري نظم، هڅونې او موثریت په موخه، د لاس لاندې مامورینو اداره او مدیریت کول چې ایا هغوی په معیارونو برابر ورسپارل شوی مسوولیت ترسره کړی.
۱۴: د لاس لاندې ټولو مامورینو د ګړنو او اجرااتو ارزونه.

 

د ۱۳۹۹ مالي کال تر درېیمې ربعې پورې د ښاري حکومتولۍ د عمومي ریاست کړنې او لاسته راوړنې

1- د ښاروالیو د قانون د تعدیل د لومړنۍ طرحې جوړول؛
2- د ښاروالیو د عوایدو د قانون د مسودې بشپړول برخه کې تخنیکي همکاري؛
3- د ترافیکي څراغونو د مقررې لومړنۍ مسودې جوړونه او د نظر اخیستنې په موخه له کابل ښاروالي سره د هغې شریکول، د تاریخي اثارو د دولتي شرکت مسودې د جوړولو په موخه د سیمه ییزو ارګانونو خپلواکې ادارې او اطلاعاتو او کلتور وزارت ترمنځ په ګډه یو کمیسیون جوړ شوی او د هغې د تسوید په موخه لازم معلومات راټول شوي دي.
4- د هستوګنیزو او سوداګریزو ځمکو د نمرو د وېش مقررې د مسودې جوړول
5- د ښاروال د تادیب، د ښاروالۍ د غونډې د ړو او د ښاروالیو د دوهمې مسودې جوړول ( د مسودې دوهمه نسخه)
6- د ښاروالانو د ارزونې د طرزالعمل بشپړول
7- د ښاریانو د رضایت د سروې د سیستم لومړنۍ نسخې جوړول؛
8- د هرات، کندهار، میمنې، کندز، خوست، قلعه نو، بامیانو، فیروزکوه، لښکرګاه، پلخمري، پل علم، چاریکارو، اسعداباد، زرنج، میدان ښار، محمود راقي، ګردیز، نیلي، مهترلام او ترینکوت ښارونو لپاره د citizens Budget یا د ښارونو د بودیجې جوړول او خپرول؛
9- د ښاري فرهنګ هستوګنې لپاره د ۲ مبایل اپلیکیشنونو جوړول؛
10- د اطلاع رسونې لپاره د یوه مبایل اپلیکیشن جوړول؛
11- د ښاروالیو اساسی ننګونو ته د رسېدنط د طرحې جودول او جمهوری ریاست عالي مقام ته د هغې لېږل؛
12- د ښاروالیو لپاره د تقنیني او اداري اسنادو د انلاین ذخیرې جوړونې رامنځته کول؛
13- محمود راقي، بازارک او بامیانو ښاروالیو لپاره د ویب سایت جوړول؛
14- د انلاین ښوونیز مرکز رامنځته کول؛
15- د پلخمري، لښکرګاه، هرات، ترینکوت، میدان ښار، اسعداباد، کندهار او مهترلام ښارونو کې د ښاري نظم او پراختیا کمیسیون رامنځته کول؛
16- کندهار او غزني ولایتونو کې د ښاروالیو د ولایتي شبکو رامنځته کول؛
17- د بازارک او بامیانو ښاروالیو کې د مراجعینو د سیارو مرکزون رامنځته کول او فعالول؛
18- د حیرتان، بټي کوټ، شولګره، جاغوري، مرکزي بغلان ښاروالیو کې د ښاروالۍ د مشورتي بوردونو رامنځته کول؛
19- د هرات، فیروزکوه، سید کرم او ورس ښاروالیو د مشورتي بوردونو بیا رامنځته کول؛
20- د ښاروالیو معینیت کې د ښاروالانو په وړاندې د شکایتونو د کمېټې رامنځته کول او رالېږل شویو شکایتونو ته رسېدنه؛
21- ۳۳ ښاروالیو لپاره د اطلاعاتو د مدیریت او د ګذر د وکیلانو د سیستم فعالول خو تر دا مهاله پورې ( پلخمري، خوست، زرنج، بامیان، فیروزکوه، پل علم، هرات، میدان ښار، فراه، قلات، کندهار او نیلي) ښاروالیو له دغه سیستم څخه ګټه نده پورته کړې؛
22- د ولسوالیو د ښاروالیو د وضعیت څېړل او د اصلاحاتو او پراختیا لپاره د لارښود جوړول؛
23- په انلاین ډول د افغانستان د ښاري حل لارو د مجمعې او د حکومتولۍ متجربینو رامنځته کول چې د ۳۳ ښاروالیو د حکومتولۍ چارواکو ته معرفی شوي دي. نورې مجمعې اړونده ریاستونو ته معرفي او په واک کې ورکړل شوي دي.
24- د تجربو د شریکولو لپاره د ۲ برنامو په لاره اچول، د مهترلام ښاروالۍ ښاروالانو او کارکوونکو د لغمان د ولایتي ادارې د رییسانو په ملتیا، د زرنج له ښاروالۍ څخه او د مزارشریف ښاروالانو او کارکوونکو د بلخ د ولایتي ادارې د رییسانو په ملتیا د جلال اباد له ښار څخه لیدنه وکړه او په دغه فرصت کې د تجربو د شریکولو سربېره؛ تخنیکي خبرې اترې په لاره واچول شوې.
25- د ښاري فرهنګ فرهنګ په لاره اچول؛
26- د نیلي، کندهار، فیروزکوه او لښکرګاه ښارونو کې د ښاري خبرو اترو په لاره اچول؛
27- د مزارشریف، جلال اباد، محمود راقي او خوست ښارونو کې د ګذر ښاري خبرو اترو په لاره اچول؛
28- د روژې مېاشت کې په ۳۳ ښارونو کې بې وزله خلکو ته د ډوډۍ د وېش پروسې په لاره اچول؛
29- د ښار جوړونې او ځمکو وزارت د چارواکو په شتون کې د هرات، کندهار، مزارشریف، جلال اباد، خوست، کندز، میمنې، چاریکارو او میدان ښار ښاروالانو ته د SDF او عوایدي ـ مالي موضوعاتو په اړه د لارښودي برنامو په لاره اچول؛
30- د ښاري حکومتولۍ د څرنګوالي په اړه د ۲۱ ښاروالیو ښاري حکومتولۍ چارواکو ته د ښوونیزو پروګرامونو په لاره اچول؛
31- د ایبک او اسعداباد ښاروالیو ترمنځ د خورلڼو هوکړه لیک لاسلیکولو
32- د ښاروالیو معینیت په ویب سایت کې د ۶۶ ښاروالیو د بودیجې خپرول؛
33- په انجیل، اقچه، ترینکوت، نیلي و پلخمري د ګذرونو د معیاري بهیر تخنیکي رهبري کول؛
34- د افغانستان د روڼتیا بنسټ سره په همغږي د OGP _local پرانېستې دولتدارۍ په مجمعې کې د غوښتنلیک د وړاندې کولو په موخه د هرات، کندهار، مزارشریف، جلال اباد، بامیان، محمود راقي، انجیل او تورخم ښاروالیو لارښوونه او انسجام چې له ښه مرغه د کندهار او هرات د لومړنۍ مرحلې غوښتنلیک ومنل شو.
35- د ولسي تړون ملي پروګرام، د کارموندنۍ او د ښارونو د پانګې اچونې د پروګرام ارزول او د ادارې مشرتابه ته د کړنو په اړه راپور ورکول
36- د ښاري حکومتولۍ په برخه کې د میمنې د ښاروالۍ د کړنو ارزونه او د اجرااتو د ښه والي په موخه یادې ښاروالۍ ته لارښوونه