د پالیسۍ او مسکلی معینیت

د سیمه‌ییزو ارګانونو د خپلواکې ادارې د پاليسۍ او مسلکي معین د محمد سرور جوادي ژوندلیک

محمد سرور جوادي په ۱۳۴۶ کال د بامیانو ولایت په ورس ولسوالۍ کې زېږېدلی دی.
نوموړی د یکاولنګ ولسوالۍ له ده سرخ لېسې څخه فارغ شوی دی.
ښاغلی جوادي د ژورنالېزم په څانګه کې د لېسانس لومړی سند د تهران د دکتر شریعتي له پوهنتون او هممهاله یې دويم لېسانس د فقې او اسلامي معارف په څانګه کې له جامعة المصطفی پوهنتون څخه ترلاسه کړی، چې بیا وروسته یې په یاده برخه کې د ماسټرۍ تر کچې لوړې زده‌کړې هم کړې دي.
نوموړي د ملي مشارکت د اوونیزې د مسوول مدیر، د افغانستان د لیکوالانو د فرهنګي مرکز د غړي، د سراج پسرلنۍ د قلمي او اجرایوي همکار او د معاصر اندیشۍ پسرلنۍ د لیکوالانو د پلاوي د غړي په توګه یې فعالیتونه ترسره کړي دي.
رسمي دندې او مسوولیتونه:
له ۱۳۸۰ کال څخه تر ۱۳۸۲ کال پورې د ورس ولسوال؛
په ۱۳۸۲ کال کې د اساسي قانون د لویې جرګې د غړي؛
له ۱۳۸۴ کال څخه تر ۱۳۸۹ کال پورې د ملي شورا د غړي او له فساد سره د مبارزې، اداري اصلاحاتو عدلي او قضایي کمېسیون د منشي؛
له ۱۳۹۳ کال څخه تر ۱۳۹۵ کال پورې د جمهوري ریاست د دويم مرستیال د حقوقي او قانون جوړونې د سلاکار؛
او له ۱۳۹۷ کال څخه د ۱۳۹۹ کال د وري میاشت پورې د جمهوري ریاست د عالي مقام د دويم مرستیال د دفتر د رییس په توګه یې دندې ترسره کړې دي.