د پلان او پالیسۍ ریاست

د پلان او پالیسۍ د سرپرست رئیس سیف الله سایس لنډ ژوندلیک

سیف الله سایس په ۱۹۹۲م. کال د غزني په ولایت کې زېږېدلی دی.
نوموړي خپلې لومړنۍ او ثانوي زده‌کړې د سلطان محمود غزنوي په عالي لېسه کې بشپړې کړي، چې بیا وروسته د خپلې علاقې له مخې په ادارې او مدیریت انسټیټوت کې شامل او په ۲۰۱۳م. کال کې فارغ شو. ښاغلي سایس د ادارې او سوداګرۍ په څانګه کې د لېسانس سند له طلوع افتاب پوهنتون او دغه راز په ۲۰۱۹م. کال کې یې په یاده څانګه کې د ماسټرۍ سند د کابل پوهنتون څخه ترلاسه کړی دی. نوموړي د لوړو زده‌کړو سربېره د مشرتابه په برخه کې د مشرتابه پراختیایي انسټیټوت څخه هم ډیپلوم ترلاسه کړی دی.
نوموړي له ملي او نړیوالو بنسټونو لکه د ۲۰۱۵م. کال له پیل نه تر پای پورې له افغان فونډېشن سره د عدالت غوښتنې او اړیکو د عمومي مدیر، له ۲۰۱۵م. کال نه تر ۲۰۱۷م. کال پورې د ځوانانو معینیت د وړتیا لوړونې او پالیسۍ د ارشد امر، له ۲۰۱۷م. کال نه تر ۲۰۲۰م پورې د ملګرو ملتونو د سازمان د پراختیایي پروګرام د حکومتولۍ د پروژې مرستیال او همغږي کوونکي په توګه دندې ترسره کړې دي.
ښاغلی سایس د سیمه‌ییزو ارګانونو خپلواکې ادارې د وړاندیز او د جمهوري ریاست د لوړ مقام د ۱۳۴۱ ګڼه حکم له مخې د سیمه‌ییزو ارګانونو خپلواکې ادارې د پلان او پالیسۍ د رئیس په توګه ټاکل شوی دی.

 

متن نمونه