د ولسمشر دفتر

د سیمه‌ییزو ارګانونو د خپلواکې ادارې د دفتر رییس ژوندلیک

سمیع الدین حقمل په ۱۳۵۴ کال د لغمان ولایت قرغیو ولسوالۍ کې زېږېدلی دی.
نوموړي په ۱۳۷۰ کال کې لومړنۍ او ثانوي زده‌کړې د خیبر پښتونخوا د حضرت زبیر بن عوام عالي لېسه کې پای ته رسولې دي.
ښاغلي حقمل په ۱۳۸۰ کال کې د حقوقو او سیاسي علومو په څانګه کې د لېسانس سند د ننګرهار له پوهنتون څخه ترلاسه کړی او بيا يې د حقوقو او نړۍوالو اړیکو په برخه کې د ماسټرۍ تر کچې لوړې زده‌کړې کړې دي.
رسمي دندې او مسوولیتونه:
۱- له ۱۳۹۷ کال څخه تر ۱۳۹۹ پورې د لغمان ولایت د عدلیې د رییس؛
۲- له ۱۳۹۰ کال څخه تر ۱۳۹۷ پورې د پکتیا ولایت د عدلیې د رییس؛
۳- له ۱۳۸۴ کال څخه تر ۱۳۸۹ پورې د عدلیې وزارت د تفتیش ریاست د مسلکي غړي؛
۴- له ۱۳۸۳ کال څخه تر ۱۳۸۴ پورې د کابل ولایت د حقوقو ریاست د حقوقو د مدیر؛
۵- او له ۱۳۸۰ کال څخه تر ۱۳۸۳ پورې د اوکین موسسې د حقوقي سلاکار په توګه یې دندې ترسره کړې دي.
د یادونې وړ ده چې ښاغلي حقمل په یو شمېر ملي او سیمه‌ییزو سیمینارونو او کنفرانسونو کې هم ګډون کړی دی.