د ښاروالیو چارو معینیت

د ښاروالیو د معین روح الله نیازي لنډ ژوندلیک


روح الله نیازی د هېواد فعال او ځوان کادر دی. ښاغلی نیازی په ۱۳۵۷ لمریز کال په کندز ولایت کې زېږېدلی دی او د لېسانس ډیپلوم يې د ادارې او سوداګرۍ په څانګه کې او د ماسټرۍ ډیپلوم د سیاسي علومو په څانګه کې د انګلستان له یورک پوهنتون څخه ترلاسه کړي دي.
نوموړي څه باندې ۱۸ کاله په بېلابېلو دولتي او نادولتي ادارو او سازمانونو لکه د سیمه‌ییزو ارګانونو د خپلواکې ادارې د مالي او اداري معین، د دې ادارې د بشري سرچینو عمومي رئيس، د ستراتیژیکو همغږۍ د واحد رئیس، د سیکا( USAID- SIKA) د پروګرام مرستیال، د ځوان مشرتابه پروګرام مسوول، د جمهوري ریاست د چارو په اداره کې د وړتیا لوړولو د سلاکار او په نورو ملي او نړیوالو معتبرو ادارو کې په مختلفو موقفونو کې د دندې په ترسره کولو سره خپلو خلکو او حکومت ته خپله ژمنتیا او وړتیا ثابته کړې ده.
د افغانستان د اسلامي جمهوري دولت د لوړ مقام د لزوم دید له مخې او د ادارې د پرمختیا او په ګمارنه کې د روڼتیا په برخه کې د روح الله نیازي د کړنو په پام کې نیولو سره، د دې ادارې د ۱۳۹۹/۰۱/۱۳ نېټې د ۸۵ ګڼه وړاندیز او جمهوري ریاست د عالي مقام د ۱۳۹۹/۰۱/۱۵ نېټې د ۵۳ ګڼه حکم له مخې نوموړی په مافوق بست کې د سیمه‌ییزو ارګانونو د خپلواکې ادارې د ښاروالیو د معین په توګه ټاکل شوی دی.