د جندر ریاست

مېرمن صغری عطایي په ۱۳۵۷ کال کې د بامیانو ولایت په یکاولنګ ولسوالۍ کې زېږیدلې ده.

نوموړې د کډوالۍ په وخت کې د ښوونکو د روزنې په څانګه کې تر څورلسم ټولګي پورې زده کړې بشپړې کړې دي. عطايي د طالبانو له واکمنۍ را وروسته هېواد ته راستنه شوې او په بېلابیلو تولنیزو او فرهنګي برخو کې په کار بوخته ده.
نوموړې یو کال او شپږ مېاشتې د بامیانو ولایت د ښځو چارو ریاست د مرستیالې په توګه دنده تر سره کړې ده. په ورته مهال یې د شهدا ارګنایزیشن له موسسې سره هم د حقوقي مشاورې په توګه همکاري درلوده. دغه راز یې مېرمنو لپاره د زده کړې د کورسونه جوړولو برسېره، د اساسي قانون د جرګې د جوړولو په موخه یې په بامیانو ولایت کې فعاله ونډه اخیستې ده.
له هغه را وروسته د دوو کلونو لپاره یې په بامیانو او دایکندي ولایتونو کې د ټاکنو د تنظیم ګډ دفتر ولایتي روزونکې په ټوګه هم دنده تر سره کړې ده.
نوموړې د ټاکنو په برخه کې د ښو کړنو او د پام وړ تجربو د ترلاسه کولو له امله، د لومړنۍ ښځینه په توګه یې، د ۱۳۸۶ څخه تر ۱۳۹۳ پورې د بامیانو په زون کې یې د ټاکنو د خپلواک کمیسیون د ادارې مسوولیت په غاړه واخیست.
مېرمن عطایي له دېرشو زیاتو ښوونیزو پرګرامونو کې فعاله ونډه اخستې ده او دغه راز یې د ځینو نورو پرګرامونو لکه: د ښځو د حقونو، ټاکنو او رهبرۍ په برخه کې د ګډون په موخه جاپان، تاجکستان، امریکا او جرمني هېوادونو ته سفرونه کړي دي.
نوموړې د بامیانو په زون کې د افغان مېرمنو شبکې د مشرې په توګه هم دنده ترسره کړې ده، چې د درییو لومړیتوبونو، لکه: ښځې او سیاسي ونډه، ښځې، سوله او امنیت، ښځې او ټولنیزحقوقي خوندیتوب په برخو کې یې د ښځو د وړتیا لوړونې په برخه کې د پام وړ کارونه ترسره کړي دي.
مېرمن عطايي اوسمهال د ولسمشر د حکم پربنسټ د سیمه ییزه اورګانو د خپلواکه ادارې د جندر ریاست د سرپرستې په توګه دنده پر مخ وړي.

تشکیلات:

 

د ۱۳۹۹ مالي کال د پلان په اساس د جنډر ریاست د عمده فعالیتونو راپور.

  • د دویم ځل لپاره د ښځو او ماشومانو ځورونې مخنیوي کمېټې تمدیدول.
  • د جنډر د ستراتیژۍ او د عدالت غوښتنې کمېټې د طرزالعمل نهايي کول.
  • د ښځو پر وړاندې د تاوتریخوالي او د سیمو په کچه د مېرمنو د ستونزو او ننګونو په اړه د بحثونو په اړه د ۸ کمپاینونو دایرول
  • د یوه ولایت پنځه ولسوالیو کې د تعلیمي نصاب لپاره د ۵ ورکشاپونو ترسره کول.
  • د ۵ او ۶ بستونو ۷۵ کارکونکو ته د ښځو او ماشومانو ځورونې څخه د مخنیوي قانون د پوهاوي په اړه د دوه ورکشاپونو دایرول.
  • د عدالت غوښتنې کمېټې طرزالعمل ترتیبول او نهايي کول او د منظورۍ په پار یې د پلان او پالیسۍ ریاست ته لیږل.
  • د عدالت غوښتنې کمېټې د طرزالعمل ترتیبول او د عدالت غوښتنې کمېټې د رامنځته کولو په پار یې د پلان او پالیسۍ ریاست ته لیږل.