د مالی او بودیجې ریاست

د مالي او بودیجې ریاست سرپرست عبدالله اتل لڼده پېژندنه!

عبدالله اتل د محمد غني زوی، چې د غزني ولایت په قره باغ ولسوالۍ کې یې دې نړۍ ته سترګې رڼې کړې دي، ښاغلي اتل په ۱۳۸۳ لمریز کال کې د غزني ولایت له سنایي عالي ښوونځي څخه فارغ او همداراز په ۱۳۸۷ لمریز کال کې یې د اقتصاد په برخه کې د هرات له پوهنتون څخه د لیسانس سند ترلاسه کړی دی او اوس مهال د ادارې او پالیسۍ په برخه کې د ماستړۍ په زده کړو بوخت دی.
عبدالله اتل له ۲۰۱۴ میلادي کال څخه تر ۲۰۲۱ میلادي کال پورې د (ACG) کمپنۍ د مالي او تدارکاتي برخې د مسوول سربېره د یادې کمپنۍ په بېلابېلو نورو برخو کې کار کړی دی.
نوموړی د پښتو او دري ژبو ترڅنک په انګلیسي او اوردو ژبو روانې خبرې کولای شي، ښاغلی اتل د سیمه ییزو ارګانونو خپلواکې ادارې په وړاندیز او د جمهوري ریاست د ۲۷/۱۱/۱۳۹۹ نېټې د ۳۲۸۸ ګڼې حکم له مخې د مالي او بودیجې ریاست د سرپرست په توګه ګمارل شوی دی.

تشکیلات

 

۱- د عادي یودیجې د منظورۍ له مخې څلور میلیارده شپږ نوي میلیونه او اوه سوه دولس زره او دوه سوه او پنځه شپیته افغانیو د اړتیا وړ اسنادونه تزتیب او د مالیې وزرت له شعبو څخه د طی مراحلو څخه وروسته د ۳۴ ولایتونو، ۳۴ ولایتي شوراګانو او مرکزي ادارې په واک کې ورکړل شوي دي.

۲- د یادې بودجې د منظورۍ له جملې څخه درې سوه او شپږنوي میلیونه او نه سوه نه نوي زره او اوه سوه څلوېښت افغانۍ  د ۳۴ ولایتونو ولایتي شوراګانو ته لېږدول شوي دي.

۳-  د جمهوري ریاست د عالي مقام د سپارښتنې له مخې د کوید ۱۹ ناروغۍ ۱۴۲۰۰۰۰۰۰۰ یو میلیارد او څلور سوه او شل ملیونه افغانۍ بودیجه د هېواد ۳۴ ولایتونو ته لېږدول شوې ده.

۴- د جمهوري ریاست د عالي مقام د سپارښتنې له مخې د وچې ډوډۍ د وېش په موخه د هېواد ۳۳ ولایتونو ته د نه سوه او اته اویا میلیونو او دوه سوه او دېرش زره او یو سلو او شل افغانۍ د بودیجې لیږد.”

۵- د ۳۰/۷/۱۳۹۹ نېټې د پاکستان د ویزې پېښې شهیدانو او ټپیانو ته د مرستې په موخه (۲.۰۵۰.۰۰۰)  افغانۍ د جمهوري ریاست د اضطرار حالت له ۹۲ کود څخه تعدیل او ننګرهار ولایت ته ولېږدول شوې.

۶- د بادغیس ولایت د هستوګنې لس کلنې ماشومې خاطرې د کورنۍ او د بامیانو ولایت د پنځلس کلنې ماشومې عاتکې له کورنیو سره د مرستې په موخه د جمهوري ریاست د عالي مقام د سپارښتنې پراساس د دولت د پالیسي ۹۱ کود څخه دوه سوه زره افغانۍ تعدیل او یادو ولایتونو ته لېږدول شوي دي.

۷- د جمهوري ریاست د عالي مقام د سپارښتنې له مخې غور ولابت کې د مبارزې مېرمن قمرګل لپاره د یوه ودانۍ د مرستې په موخه دوه میلیون او اوه سوه او دوه اویا زره افغانۍ د جمهوري ریاست د اضطرار له کود څخه تعدیل شوي دي

۸- د هرات ښار د شپږمې ناحیې اړوند د ۲۲۵ متره مربع ځمکې د استملاک په موخه لس میلیونه او پنځه سوه او پنځه اویا زره افغانۍ د ځمکو د خریدارۍ له ۹۲۰۰۰۲۴ کوډ څخه هرات ولایت ته تعدیل شوي دي.

۹- د کندهار ولایت پنجوایي ولسوالۍ اړوند د ۱۲۰۰ متره مربع ځمکې د استملاک په موخه پنځه سوه او اویا زره افغانۍ د ځمکو د خریدارۍ له ۹۰۰۰۲۴ کوډ څخه یاد ولایت ته تعدیل شوي دي

۱۰- د موازي ۳۰ بسوې ځمکې د استملاک او د نورستان ولایتی شورا د ودانۍ جوړولو د ۳۴ متره مربع ځمکې لپاره د ځمکو له ۹۴۰۰۰۲۴ کوډ څخه یو میلیون او پنځه سوه او اولس زره افغاني تعدیل او یاد ولایت ته لېږدول شوي دي