د مالی او اداری معینیت

د سیمه ییزو ارګانونو خپلواکې ادارې د مالي او اداري معین لنډه پیژندنه

محمد اجمل شاه پور د محمد عمر زوی د کندز ولایت اصلي اوسېدونکی دی. نوموړی په ۱۳۸۵ کال د کندز د حضرت سلطان کلي له ښوونځي څخه فارغ شوی او په ۱۳۸۹ کال کې د کندز پوهنتون د انګلیسي ادبیاتو په برخه کې یې خپل د لیسانس سند ترلاسه کړی دی او اوسمهال د ټولنپېژندنې په برخه کې د ماستري دوره پرمخ وړي.

ښاغلي شاه پور د جمهور رییس محمد اشرف غني د سکرتر، د جمهوري ریاست د محرمو اسنادو د مدیر، د جمهوري ریاست د اړیکو د رییس، د ملي امنیت شورا دفتر د بشر د حقوق څخه د ساتنې د رییس، د اطلاعاتو او فرهنګ وزارت د ځوانانو د معین او د ملي امنیت شورا د دفتر د ستر سلاکار او د لوګر د والي په توګه یې دندې ترسره کړي دي.

د یادولو وړ ده چې اجمل شاه پور د سیمه ییزو ارګانونو خپلواکې ادارې د وړاندیز او د جمهوري ریاست د لوړ مقام د ۱۳۹۹ کال د غوايي د مېاشتې د حکم له مخې د لوګر د والي په توګه وټاکل شو او له هغه وروسته د سیمه ییزو ارګانونو خپلواکې ادارې د وړاندیز او د جمهوري ریاست د لوړ مقام د ۲۵/۳/۱۴۰۰ نېټې د ۹۷۳ ګڼه حکم پر بنسټ، د سیمه ییزو ارګانونو خپلواکې ادارې د مالي او اداري معین په توګه ټاکل شوی دی