د والیتونو د همغږۍ او اړیکو ریاست

د سیمه ییزو ارګانونو د خپلواکې ادارې د ولایتونو د همغږۍ او اړیکو ریاست د ريیس لنډه پیژندنه:

محمدالله زواکیوال د عیدین زوی، چې په کال (۱۳۷۰) ه.ش کې د پکتیکا ولایت په اومنه ولسوالۍ کې زیږیدلی دی، لومړنی زده کړې یې تر دولسم ټولګی پورې د یاد ولایت په عالي بابا لیسه کې بشپړې کړې دي. همداراز په کال (۱۳۹۲) ه.ش د لوړو نمرو په اخیستلو سره د لوړو زده کړو وزارت د دولتي بورسونو له لارې د هندوستان هیواد (IIT ISM) پوهنتون کې د انجنیرۍ څانګې ته لاره وموندله.
او په کال (۲۰۱۸)م کې د یاد پوهنتون څخه فارغ شو، چې د څلور کلنې دورې په پای کې د خپلو کوښښونو پایله وموندله او د (۲۰۱۷-۲۰۱۸)م پرلپسې کلونو د کال غوره محصل په توګه (Student of the year) اعلان او په پایله کې د سروزرو مډال ګټونکی شو. ښاغلي زواکیوال په بیلابیلو دولتي او غیر دولتي ادارو کې دنده ترسره کړې ده چې وروستۍ دنده یې د جمهوري ریاست د چارو ادارې لوی ریاست په دوهم بست کې د کارپوه په صفت ترسره کړې.