د عوایدو ریاست، محاسبې او د ښاروالیو اداری چارې

بیوگرافی محمدامین توخی


محمد امین «توخی» د محمد حفیظ زوی د ۱۳۶۱ لمریز کال د جدي مياشتې په ۶مه د تخار ولایت د تالقان ښار په یوه دينداره کورنۍ کې زېږېدلی دی. لومړنۍ زده کړې يې د سيمې د مسجد له ملا امام وکړې، د سید عبدالرحمن شهید لومړنی ښوونځی يې ولوست او د ابو عثمان تالقاني له لیسې څخه فارغ شو. توخی په ۱۳۷۹لمریز کال له ليسې فارغ شو او د کانکور له ازموينې وروسته، د بلخ پوهنتون د حقوقو پوهنځي له اداري او ديپلوماسي څانګې په ۱۳۸۴لمریز کال فارغ شو. همداراز يې له MBA څانګې څخه په غيرحضوري ډول خپله ماسټري په دوه تخصص، عامه اداره او نړيواله سوداګرۍ کې واخيسته او خپله دويمه ماسټري يې په نړيوالو اړيکو کې له کاردان پوهنتون واخيسته. نوموړی له پوهنتون څخه تر فراغت وروسته په ۱۳۸۵لمريز کال د ازادې سيالۍ له لارې په مخابراتو او تکنالوژۍ وزارت کې د اداري او مالي مدير په توګه په ۴بست کې مقرر شو، سربېره پر دې يې له ۱۳۸۵څخه تر ۱۳۸۸لمريز کلونو پورې د تخار پوهنتون په شرعياتو پوهنځي کې د استاد په توګه دنده ترسره کړې. په ۱۳۸۸ لمريز کال د ولايتي او ستراتيژيکې پلان اچونې د کارپوه په توګه د  ASGP/UNDPپروګرام له لارې د بلخ، باميانو او تخار په ولايتونو کې د سيمه ييزو ارګانونو د ادارې له لارې د ولايتي ستراتيژيکو پلانونو د برابرولو په برخه کې کار پيل کړ. په ۱۳۹۰لمریز کال د ازادې سيالۍ له لارې د کنړ د والي د مرستيال په توګه د جمهوري رياست د مقام د حکم پر بنسټ مقرر شو او په ۱۳۹۲ لمريز کال د جمهوري رياست او سيمه ييزو ارګانونو په حکم سره د غور ولايت د مرستيال پوست ته بتديل شو. په ۱۳۹۴لمريز کال د هرات ولايت د مرستيال پوست ته تبديل شو خو د ځينو سيمه ييزو ملحوظاتو له کبله هلته معرفي نه شو او بېرته د غور ولايت ته معرفي شو، په پای کې د ۱۳۹۵لمريز کال د ۱۱مې مياشتې په ۲۳مه نېټه د CBR پروګرام د ازادې سيالۍ له لارې د سيمه ييزو ارګانونو خپلواکې ادارې له لوري د جمهوري رياست د عالي مقام له حکم سره سم د ښارواليو د عوايدو، محاسبې او اداري چارو د رييس په توګه مقرر شو او تر اوسه هم همدا دنده مخکې وړي. نوموړی په پښتو او دري بشپړ تسلط لري، له انګريزي ژبې او کمپيوټري مهارتونو سره بلدتيا لري او د سيمه ييزو حکومتولۍ، ادارې او مديريت په برخو کې کافي تجربه لري. همداراز يې په هېواد کې د ننه او بهر د زده کړې په لسګونو پروګرامونو کې برخه لرله او له خپلو کاري فعاليتونو يې په لسګونو تقديرنامې او ستاينليکونه اخيستي دي چې په خپلو کاري سوانحو کې يې ثبت شوي دي.